ARUBA, KÒRSOU I ST. MAARTEN PAIS DI RIESGO HALTU PA BONEIRU ENTRANTE DJAWEPS 23 DI DESÈMBER 2021

ARUBA, KÒRSOU I ST. MAARTEN PAIS DI RIESGO HALTU PA BONEIRU ENTRANTE DJAWEPS 23 DI DESÈMBER 2021
21 desèmber 2021
Kralendijk – Entrante djaweps 23 di desèmber Aruba, Kòrsou i St. Maarten ta pais di riesgo haltu pa Boneiru. Tur pasahero mester hasi un tèst di PCR 48 ora promé ku salida pa Boneiru. Nan mester yena tambe e deklarashon di salú di e departamento di Salubridat Públiko online 12 pa 24 ora promé ku salida. Na yegada tur pasahero for di e islanan KAS, mester hasi un tèst propio grátis. E di sinku dia despues di yegada, nan mester hasi un tèst di PCR na un lugá di tèst komersial, e gastunan ta pa nan mes. Banda di esaki pasaheronan ku no ta ful bakuná mester bai tambe sinku dia den karentena obligatorio na e sitio kaminda nan ta keda.

A adaptá e kondishonnan di biahe pa biaheronan for di islanan KAS awor ku a enkontrá e variante omikròn di e vírùs di corona na e parti franses di St. Maarten i tambe na Aruba. Ku intensifikashon di e kondishonnan di biahe, por lo pronto ta bin un fin na e bùbel di biahe entre e e tres islanan i Boneiru. A krea e bùbel pa mantené biahamentu for di e tres islanan pa Boneiru finansieramente atraktivo pa biaheronan kompletamente bakuná.

Ekspertonan ta kere ku e variante omikrònt ta bin Boneiru tambe. Pa e motibu ei, Boneiru ta skohe awor pa retrasá binimentu di e variante akí ku kondishonnan di biahe mas severo. Asina ku e situashon di corona pèrmití esei, ta mira si ta restablesé e bùbel di biahe entre islanan KAS i Boneiru atrobe.

Saba i St Eustatius ta keda paisnan di riesgo hopi abou pa Boneiru. Pues pa biaheronan for di e islanan ei, e kondishonnan di biahe pa bin Boneiru no ta kambia. Pa un bista di e kondishonnan di biahe: http://www.boneirukrisis.com