GOBIÈRNU DI VENEZUELA A KANSELÁ ÚLTIMO BUELONAN HUMANITARIO PA VENEZUELA

 

GOBIÈRNU DI VENEZUELA A KANSELÁ ÚLTIMO BUELONAN HUMANITARIO PA VENEZUELA

 

Willemstad – Ministerio di Hustisia konhuntamente ku Direktorado di Relashonnan Eksterior, den koperashon ku Kònsùl di Venezuela, a hasi esfuerso henter aña pa vários Venezolano na Kòrsou por a regresá nan pais, apesar di e situashon kaminda e fronteranan ta será. 

Gobièrnu di Kòrsou a plañiá 2 buelo den e luna di dezèmber 2021 pa asina por a duna suidadanonan Venezolano chèns pa regresá na pais pa e dianan di fiesta. 

 

Lamentabelmente na último ora Gobièrnu di Venezuela no a duna pèrmit pa e buelo di dia 21 di dezèmber 2021 i tampoko pa e buelo di 22 di dezèmber 2021. 

Ministerio di Hustisia, Direktorado di Relashon Eksterior, Konsulado di Venezuela na Kòrsou i Laser Airlines a hasi tur intento pa por a salvaguardiá e buelonan aki. 

Tabatin hasta dos buelo pendiente pa dia 22 di dezèmber 2021 den koperashon ku Laser Airlines. 

Apesar di tur esfuerso ku a keda hasí no por a logra pa e buelonan aki por a sali pa Venezuela.

 

Konsekuentemente pasaheronan ku a bini for di Boneiru i Kòrsou, ku ta kasi 300 Venezolano, no por a yega Venezuela i a keda desampará.

Gobièrnu di Kòrsou, pa via di e kanalnan diplomátiko i tambe via di e Ministerio di Hustisia ta bai keda hasi tur loke ta posibel pa solushoná e situashon aki. 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: