Selebrashon di Sena di Pasku di BBC Wild Cats Guardian Group- KJ 74.

 

FEDERASHON DI BEISBOL DI KORSOU

 

Selebrashon di Sena di Pasku di BBC Wild Cats Guardian Group- KJ 74.

Willemstad 23 di desèmber 2021

Djaluna 20 di desèmber último, direktiva di Wild Cats a tene un Sena di Pasku pa e hungadónan di e ekipo, komo un forma di apresio i rekonosementu pa e logranan importante di e ekipo durante temporada 2021.

E aktividat a tuma lugá den e prestigioso  Klup Celebrity na Saliña ku gran koperashon di e propietario, Gerald Arrindel.

E anochi tabata un enkuentro masha ameno, kaminda dirigentenan, representante di spònsernan  i hungadónan a pasa un ratu hopi plasentero, gosando di e dushi ambiente i komunikando ku otro.

Durante e parti seremonial dirigentenan i sr. Curd Evertsz di Guardian Group a trese palabranan di elogio pa lokual ta trata e prestashon di e hungadónan , pero tambe riba e trabou eksitoso di e kuerpo tékniko.

Aparte di e logro positivo di Wild Cats AA, ta bon pa hasi menshon di  e resultadonan positivo di e ekiponan  den e otro liganan.

E ekiponan di Senior League i RBI, tambe a logra  titulá kampeon miéntras e ekipo hubenil a sali sup kampeon. 

Un  gradisimentu masha spesial ta bai na e dos patrosinadònan ofisial ku ta  Guardian Group I KJ 74 ku ta sigui kere den BBC Wild Cats i a  sigui ku e patrosinio durante e último añanan.

Ku hopi esfuerso  di tantu dirigentenan i hungadónan di BBC Wild Cats Guradian  Group KJ 74 a logra eliminá e fuerte ekiponan di Sta Maria Pirates den e seri semifinal di “(best of five” 3-1 i Royal Scorpions den e seri final di “best of seven” ku 4-1.)

Un danki tambe ta bai na tur e fanåtikonan ku a sostené e ekipo durante henter e temporada pa e apoyo asina importante.

Ku fe den Todopoderoso i ku esfuerso di e famia di Wild Cats, 2022 por bira un aña eksitoso atrobe , ku e meta  pa optené e títulonan di mas haltu den e diferente liganan.

Finalmente un palabra di gradesimentu ta bai pa Licores Maduro Franky’s Chairs &Table Rental, Klup Celebrity, Coca Cola,Curd Evertsz i tur e kolaboradornan pa e anochi por a bira eksitoso.

Direktiva ta deseå henter pueblo di Kòrsou, pero e famia di Wildcats en partikular, felis dianan di kambio di aña 2021 i un 2022 yen di bendishon, prosperidat i un bon estado di salut. 

Kòrda kuida.

Bon aña 2022

 

Direktiva di BBC Wild Cats Guardian Group KIJ 74

 

Hensley Josephina manager interino, entregando trofeo kampeon 2021 na sr. Curd Evertsz di Guardian Group.

Share this page to Telegram

This site uses Akismet to reduce spam. Learn how your comment data is processed.

%d bloggers like this: