Beisbolistanan profeshonal di Kòrsou a bishita SDKK

Beisbolistanan profeshonal di Kòrsou a bishita SDKK

WILLEMSTAD- Resientemente Sentro di Detenshon i Korekshon Kòrsou a
risibí bishita di vários di nos beisbolistanan profeshonal yu di Kòrsou.
Na e okashon akí tabata presente Yurendell de Caster, Ozhaino Albies,
Jurickson Profar, Sherten Apostel, Shendrick Apostel i Jonathan Schoop. A
hiba palabra nos direktor señor Urny Floran i señor Arnold Zimmerman ku a
duna un palabra di motivashon na nos klientenan i Ozhaino Albies na nòmber
di e sobra beisbolistanan. Durante e bishita e beisbolistanan a hasi un bunita
donashon na gerensia di prizòn di vários artíkulonan di deporte i tambe
aparatonan elektróniko. Tambe komo muestra di gratitut pa e trabounan hasi
na vários vèltnan di deporte durante aña 2021, e klientenan ku ta laborá na
“Resosialisatie Algemeen Arbeid Projecten” a risibí un sukulento sena di
Pasku di parti nos bishitantenan.
Na final di e enkuentro akí, nos beisbolistanan a bishitá e blòknan kaminda e
klientenan a duna nan un regalo ku nan a traha pa nan. Gerensia di prizòn ta
sumamente kontentu ku e bishita akí.