Partido Democraat: Nos ta mira oumento drástiko di kasonan di Covid i nos ta sigui mira gobernashon iresponsabel

 

Partido Democraat: Nos ta mira oumento drástiko di kasonan di Covid i nos ta sigui mira gobernashon iresponsabel

Mirando e último resultadonan di kasonan di Covid, 217 nobo i 662 aktivo riba 23 di desèmber, nos ta di opinion ku e situashon di contagio ta alarmante. Nos ta premirá lo peor pa ora aña habri. 

Parlamento ta ku reces i no ta tumando akshon kontra e manera di goberná iresponsabel di Gabinete Pisas. 

Pa e motibu aki, señora Elsa Rozendal, lider di partido Democraat ta pidi pa Promé Minister Pisas kontestá nos ku ta pueblo e siguiente preguntanan: 

  1. Dikon no a tuma e medidanan for di ayera pa evitá ku hendenan lo a hasi uzo di e situashon sabiendo ku awe tin medida i asina pone ku chèns pa kontagio ta bira hopi grandi? 
  2. Ta bèrdat ku Promé Minister Pisas a bisa tim di krisis ku no por hala toque de queda mas tempran pasó, ‘e no por bendé polítikamente’? 
  3. Ta bèrdat ku ta esakinan ta entre otro e motibu ku señora Iralice Jansen a yama ayó komo kordinadó di e trayekto di bakunashon?
  4. Kuantu boostershot tin na Kòrsou aktualmente?
  5. Den kuantu tempu ta premirá ku por duna 80.000 persona e boostershot? 
  6. Kuantu persona a registrá kaba pa haña e boostershot?

Partido Democraat ta spera ku sano huisio lo prevalesé i ku Promé Minister Pisas sa di tuma e desishonnan korekto pa salbaguardiá nos salú públiko.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: