Kontamentu di Kuenta i Toastmasters 

Kontamentu di Kuenta i Toastmasters 

Evento virtual

 

Kòrsou, 30 di desèmber 2021. Toastmasternan di Kòrsou ta invita bo pa un anochi di kontamentu di kuenta ku artistanan invitá. Gini de Palm, Crisen Schorea i Eduard Reineta. Kontamentu di Kuenta i Toastmasters kiko esaki tin komun? 

“Toastmasters ta un plataforma positivo i di sosten pa e individuo kaminda e por desaroyá e arte di komunikashon i liderasgo”. Algu ku sigur el a eksperensiá formando parti di e organisashon aki, segun Distinguido Toastmaster Fabiola Cleofa, èks Direktor di Distrito di Karibe.  E ta sigui komentá ku loke el a bin ta siña den Toastmasters a yud’e den su karera profeshonal, familiar i otro organisashonnan ku e ta forma parti di dje. Awoki e ta mira un oportunidat huntu ku algun otro miembronan, pa kuminsá ku un grupo pa personanan ku ta enfoká riba kontamentu di kuenta. Un area ku sigur tin varios aspekto kaminda e programa di Toastmasters ta yuda e kontado di kuenta mehorá abilidatnan ku ta yud’e engradesé su kontamentu di kuenta i deleita otronan ku esaki.

P’esei e invitashon spesial  pa un anochi di kontamentu di kuenta ku artistanan manera Eduard Reineta, Crisen Schorea i Gini de Palm. Lo bo disfrutá di kuentanan tresí pa e artistanan aki pero tambe lo tin un treinen kòrtiko di e arte di kontamentu di kuenta. Na final lo relata Toastmasters na e totalidat i kiko Toastmasters por hasi pa abo ku ta interesá. 

Anoch’i Kontamentu di Kuenta

Fecha: 3 di yanüari 2022

Ora: 6’or pa 8’or di anochi
Seshon virtual. Registrá via di e QRcode pa haña akseso.

Pa esnan interesá pa sa mas lo tin 4 enkuentro mas despues di esaki. Djaweps 13 di yanüari, djaluna 24 di yanüari, djaweps 10 di febrüari i djaluna 21 di febrüari. Pa awoki programa pa tuma lugá na Scholen Gemeenschap Otrobanda di 6’or pa 7:30 pm. E enkuentronan aki lo bo eksperensiá mas di Toastmasters i aberiguá si esaki lo ta algu bo. Ku esaki por yuda bo mehorá bo abilidat pa komuniká, trese bo kuentanan mas skèrpi i traha den grupo ku meta komun. Bo ta bonbiní

Pa mas informashon tuma kontakto na telefòn òf whatsapp 512 0092 òf 515 4266

 

# # #

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: