IMPORANTE PA TUMA E QR CODE SERKA BO DÒKTER ORA TA AKUDI NA LABORATORIO ORA TA TÈST PA COVID

 

IMPORANTE PA TUMA E QR CODE SERKA BO DÒKTER ORA TA AKUDI NA LABORATORIO ORA TA TÈST PA COVID

Willemstad 5 di Yanuari 2022- Ta importante pa pashèntnan risibi e QR code serka nan dòkter di kas na momentu ku e dòkter traha un sita pa su pashènt hasi un tèst di Covid.  E dòkter mester manda esaki via di mail pa e pashènt. Sin esaki e laboratorio no por yuda e persona ku mester tèst pa COVID.  Esaki ta altamente nesesario ya ku mester por verifiká ku di bèrdat un dòkter a preskribí pa un pashènt hasi e tèst aki.

Ku e oumento den kasonan di infekshon di COVID e kantidat di persona ku ta akudi na laboratorio tambe a oumentá konsiderabelment.  P’esei mes ta importante pa e registrashon tuma luga den e forma sistematiko afin ku tur pashènt ku konforme nan dòkter di kas mester hasi tèst ta bon registra i identifika den e sistema ora akudí na e laboratorio.  E sistema ta yuda tambe pa evitá ku personan ku ta purba burlá di e sistema i hasi tèst, paga pa SVB, sin ku ningun dòkter a preskribí un tèst.

“Na LabdeMed nos ta hasi nos maksimo esfuerso pa atendé tur persona ku bin serka nos òf nos pasa serka nan pa hasi un tèst.  Nos, meskos ku tur otro laborario, mester atené na proseduranan stipula i atendé personan ku ta registrá dor di nan dòkter di kas pa por bin na remarke pa hasi un tèst.  E pashènt mester risibi un e-mail ku e QR code aden promé ku e hasi su tèst.  Ku esaki nan por presenta trankilamente serka nos na LabdeMed i ku mil amor nos ta sirbi nan.” asina Rudy Le Blanc Gerente General di  LabdeMed a bisa.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: