THE WIKÈNT HOTEL TA BAI BIRA UN REALIDAT Un proyekto ku atrakshon úniko
THE WIKÈNT HOTEL TA BAI BIRA UN REALIDAT
Un proyekto ku atrakshon úniko
Willemstad – Sinku (5) invershonista di average di 40 aña, a uni huntu pa invertí den un proyekto hotelero ku yama “The Wikènt”. Ta trata aki di Chiarra Lo-a-njoe, Lysayé de Windt, Michael Joseph, Ivan de Windt Jr. i Maharo Isenia ku a uni i akshoná huntu pa invertí den e proyekto hotelero ku ta situá na Lagun pa krea eksperensianan úniko ku ta poné bo pensa ku hinter siman ta sinti manera wikènt.
E inspirashon a bin di e echo ku ekstranheronan ta bin Kòrsou, wak oportunidat mesora i invertí aki. E invershonistanan ta haña esaki ta un desaroyo hopi positivo pasó esaki ta nifiká ku Kòrsou ta keda kategorisá komo un isla di hopi potensial. E echo ku ekstranhero ta invertí na Kòrsou no mester keda te na nan so i esei ta algu ku e tim di 5 empresario a skohe pa hasi.
E proyekto hotelero ta konsistí di tres (3) kabana luho, un kushina integrá ku un dèk grandi kombiná ku un espasio pa masashi i spa. Ademas otro dje atrakshonnan prinsipal dje hotel ta un gròt natural ku ta bai keda integrá komo parti di e proyekto pa aksesá e laman na un manera privá pa e klientenan.
E grupo di 5 invershonista ta rekonosé ku tin instituto finansiero mas difisil ku otro pa haña finansiamentu serka dje, pero esaki no mester ta motibu pa pensa ku outomátikamente bo ta keda nengá un finansiamentu. Mester uni, hasi e tarea (huiswerk) korekto, siña di otro i invertí pa logra éksito pa tur hende.
Ku esaki nan ke krea espasio pa inspirá otro tambe pa akshoná pa desaroyá Kòrsou mas ainda. Pues aparte di ta duna servisio, ta hopi bunita ku mas di nos por ta doño di nos propio propiedatnan tambe.
—————
Riba e potrètnan por mira e 5 propietarionan di The Wikènt ku ta Chiarra Lo-a-njoe, Lysayé de Windt, Michael Joseph, Ivan de Windt Jr. i Maharo Isenia ku a uni i akshoná huntu pa invertí den e proyekto hotelero ku ta situá na Lagun pa krea e impreshon ku hinter siman ta sinti manera wikènt.
Pa mas informashon por mail nos na stay@thewikent.com