Korps Politie Aruba Un total di 9 ilegal deteni door di Polis y boto intercepta door di Kustwacht.

Tabata alrededor di 1:47 awemainta cu Radarkamer di Cuerpo Policial a detecta un boto drentando na altura di Baby Beach.

Den cuadro di bon cooperacion y cu bon coordinacion entre RadarKamer di KPA, Kustwacht, polis di San Nicolas cu refuerso di diferente districto, K9 y helikopter di Polis a logra detene 9 persona cu a subi tera.

Na e mesun momento coleganan di Kustwacht a intercepta e boto ( Sin nomber y sin registracion) 3 miya zuid for cabes di Aruba bayendo bek Venezuela.

E capitan a wordo deteni y entrega na e recherchenan di Unit mensenhandel en mensensmokkel cu lo sigui cu investigacion.

E caso ta den pleno desaroyo y e investigacion lo sigui su curso. Un bon cooperacion entre e unidadnan Policial y Kustwacht.

*imagen cortecia di Kustwacht Caribisch Gebied