PROMÉ GRUPO KU A KEDA REKLUTÁ NA SANDALS TA BIAHA PA ENTRENAMENTU DEN EKSTERIOR

WILLEMSTAD – Riba djaluna 10 di yanüari 2022, Minister di Ministerio di Desaroyo Sosial, Labor i Bienestar, sra. Ruthmilda Larmonie-Cecilia, a para ketu riba e echo ku Kòrsou a habri di dos siman di 2022 ku un bon notisia. Despues ku Sandals a reklutá 500 kandidato, e promé grupo a sali ayera pa Jamaica pa risibí entrenamentu speshal.

Minister Larmonie-Cecilia ta kontentu ku 500 yu di tera lo forma parti di e famia di Sandals i ta deseá tur kandidato éksito, enfatisando pa tur kandidato gara e oportunidat akí i saka mas tantu posibel for di e oportunidat ku tantu Sandals i su universidat ta brinda. Pasó manera e outor Waitley a bisa: “Success is almost totally dependent upon drive and persistence. The extra energy required to make another effort or try another approach is the secret of winning.”

Kandidatonan i pueblo di Kòrsou pabien! Esaki ta e promé di hopi mas kuponan di trabou ku lo bini pa pueblo di Kòrsou.