Polis lo kontrolá vehikulonan di motor ku ta riba kaminda públiko i tur loke ta parti di esaki.

KOMUNIKADO DI PRENSA 021 /2022
15 yanüari 2022
Polis lo kontrolá vehikulonan di motor ku ta riba kaminda públiko i tur loke ta
parti di esaki.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Polis ta manda un atvertensia pa tur doño i koredónan di skuter, bròmer, motosaikel i tur
otro vehikulonan di motor, pa asina ei tur hende ta na altura na momentu ku polis aktua.
Polis no ta bai limitá su kontrol riba skuter, bròmer, motosaikel i otro vehikulonan di motor
na momentu ku nan ta koriendo riba kaya òf ta pasando dor di un kontrol di tráfiko so.
Ta bai pone atenshon tambe riba e vehíkulonan di motor ku ta para riba kaminda públiko
manera p.e. riba asera, plenchinan i otro sitionan ku sea ta pertenesé na un kaminda
públiko of un tereno públiko.
Tur vehíkulo, for di momentu ku e ta hasi uso di kaminda públiko i tur loke ku ta parti di
esaki, sea ku e vehíkulo ta den moveshon of e ta pará ketu, mester kumpli ku tur e reglanan
di tráfiko.
Den kaso ku polis konstatá kualke infrakshon, lo aktua di forma represivo ku sea un prosès
verbal of kombiná ku konfiskashon di e vehíkulo.