FIT TO PROTECT, READY TO SERVE. KPA TA LANSA PROGRAMA DI VITALIDAD PA SU PERSONAL
Santa Cruz, ARUBA: Despues di un periodo di prueba exitoso na 2025, siman pasa a duna inicio oficial na e Programa di Vitalidad di Cuerpo Policial Aruba (KPA). E programa ta hiba como tema “Fit to Protect, Ready to Serve”, KPA ta pone bienestar di su empleadonan como prioridad, enfocando cu e ser humano ta central.
E Programa di Vitalidad lo dura te cu fin di aña 2027 y ta consisti di varios dianan di programa specialisa. Entre otro, un siman di bienestar (well-being), siman di salud, checkmento di salud (health checks) y evaluacionnan mental (mental check-ups) ta forma parti integral di e iniciativa aki.
Pa introduci e programa siman pasa, a organisa varios sesion di “kick-off”. E sesion tabata consisti di teambuilding, conocemento y consientisacion riba salud fisico y mental cu tabata e puntonan principal. E tabata un dia sumamente exitoso caminda e personal a participa cu hopi entusiasmo.
KOMPARTI E NOTISIA AKI VIA / Share the news
Like this:
Like Loading...
Related
639114718427035"
639114718427035"
