Zita Jesus-Leito  Manera boso sa, mi ta un “leesmoeder” na Kolegio Maria Auxiliadora.

Zita Jesus-Leito 

Manera boso sa, mi ta un “leesmoeder” na Kolegio Maria Auxiliadora. Mi mes komo mucha a atendé e skol aki.
Pa ami dus ta hopi spesial pa mi por duna bek na e skol dor di lesa ku e muchanan. Tur luna mi ta lesa pa “mi muchanan” manera mi a bin ta yama nan. Nan ta den grupo 4 i 5.
Awe ta mi dia pa bai e skol i bai lesa un buki, pero e luna aki nos ta tene kuenta ku e sifranan di kontagio di Covid i lo mi no lesa awe. Mi ta haña esaki hopi jammer pero mi ta komprendé full.
Nos tur mester kuida i duna nos aporte pa asina e sifranan bin bek bou di kontrol.
Lesa ta hopi importante pa desaroyo di un persona. Mas trempan kuminsá ku esaki, mas mihó. Pa e motibu prinsipal aki, ku mi ta menshoná ta asina importante pa e grupo di mucha aki sera konosí ku buki i lesamentu.
Mas trempan nan wòrdu siñá , mas fruta di kosecha esaki lo trese kune. Skol ta hunga un rol grandi den desaroyo di esaki.
Hopi mucha no tin buki na kas di lesa. Dor di e proyekto aki tambe Biblioteka Publiko ke enkurashá mucha pa bai lesa mas, kuminsá stima buki i bira miembro di biblioteka.
Mi ta spera ku otro luna si mi por bai skol i pasa un mainta dushi ku mi muchanan lesando un buki.
Share this page to Telegram

This site uses Akismet to reduce spam. Learn how your comment data is processed.

%d bloggers like this: