PROMÉ MINISTER GILMAR PISAS A REUNÍ KU STANDARD & POOR GLOBAL
PROMÉ MINISTER GILMAR PISAS A REUNÍ KU STANDARD & POOR GLOBAL
Willemstad – Promé Minister Gilmar Pisas a reuní virtual ku e organisashon internashonal Standard & Poor Global.
Standard & Poor Global a keda representá pa Sra. Julia Smith (Primary Analist) i i sr. Hamzan Seahid (Primary Analist).
Standard & Poor Global ta un organisashon international ku ta duna paisnan rating a base di nan desaroyo ekonómiko, nan abilidat pa paga nan debenan bèk i tambe nan relashon ku stakeholdersnan.
E rating aki ta hopi importante pa invershonistanan ku ke hasi invershon den e un pais.
Promé Minister a elaborá ku Standard & Poor Global tokante e método ku nan ta usa pa duna rating na Kòrsou i tambe e konsekuensianan di e rating aki.
Durante di e reunión a trata tópikonan manera:
- E relashon di Kòrsou ku Hulanda;
- COHO i e landspakket;
- Refineria Isla, èts.
E reunión tabata unu fruktífero kaminda Standard & Poor Global por a haña un mihó bista di Kòrsou su realidat ekonómiko for di diferente ángulo.
Esaki lo por yuda e organisashon aki pa nan tambe por hasi nan análisis abase di echos i futuro perspektiva ku Gobièrnu di Kòrsou aki ta trahando riba dje.
