PROMÉ MINISTER GILMAR PISAS A KEDA GRADISÍ PA REPRESENTANTENAN DI E KOPERATIVO C.E.P.C.

 

PROMÉ MINISTER GILMAR PISAS A KEDA GRADISÍ PA REPRESENTANTENAN DI E KOPERATIVO C.E.P.C.

 

Willemstad – Promé Minister Gilmar Pisas a risibí un grato bishita dia 2 di febrüari 2022 na Fòrti.

Tabata e representantenan di e Koperativa di Produkshon Refineria Isla, C.E.P.C, enkabesá pa e Vice Presidente C.E.P.C. sr. Saville A Kleinmoedig ku a bini Fòrti pa duna un rekonosementu i alabes yama danki na Promé Minister.

 

Esaki ta den kuadro di tur e esfuersonan ku Promé Minister a hasi pa e ex-trahadonan di Isla por a haña te ku ainda e di 4 tranche, manera a keda palabrá ku PDVSA por ekrito.

Ainda tin trámitenan andando pa por finalisá e pago di e di 5 tranche.

 

Na momento ku Promé Minister a drenta e Gobièrnu aktual e la duna atenshon mesora na e situashon aki i ta hasiendo hopi esfuerso pa e ex-trahadonan di Isla por a haña tur loke a keda primintí na nan.

 

Gobièrnu di Kòrsou, via di Refineria di Kòrsou (RdK), ta ketu bai na mesa ku PDVSA pa trata di kumpli ku tur loke a keda primintí i akordá ku e ex-trahadonan di Isla.

E trámitenan no ta fásil, pero tin tur atenshon debido pa por yega pronto na un solushon final.