Riba mi instrukshon i konsiderando informashon obtene resientemente, mi abogadonan a investiga aun mas detaya no solamente e aspektonan legal pero tambe a susesonan rondo di e kontrakt entre Gobierno ku Bearing Point (‘BP’).
MINISTER Javier Silvania
Riba mi instrukshon i konsiderando informashon obtene resientemente, mi abogadonan a investiga aun mas detaya no solamente e aspektonan legal pero tambe a susesonan rondo di e kontrakt entre Gobierno ku Bearing Point (‘BP’). A sali na kla ku Sra. Vanessa Gijsbertha su envolvimentu den e projekto di automatisashon tabata menos di lokual tabata parse i di ku mi a wordu informa dor di e Departamento di Finansa na prome instante.
Manera tambe mi a indika anteriormente, lo a strañami ku señora Vanessa Gijsbertha ku su sabiduria i eksperiensia lo a bai di akuerdo ku e – kalidat di e – produkto ku BP a entrega.
Awor a sali na kla ku señora Vanessa Gijsbertha en todo kaso no tabata responsabel pa e produkto di BP, pero tabata forma parti di e stuurgroep ku tabata tuma sierto desishonnan tokante e projekto aki, bandi si su funkshon komo Jefe di e Kabinete di ex Minister Kenneth Gijsbertha. Durante di e investigashon tambe a sali na kla ku for di aña 2019 a wordu konstata door di (un miembro di) e stuurgroep/Program Board ku e – kalidat di e produkto – ku BP a entrega no ta kumpli ku e ekspektativanan. Ademas ku e mesun stuurgroep/Program Board a inisia den 2019 pasonan legal pa atende ku e defisiensianan kontraktual di lado di BP.
