PREISIDENTE DI PARALAMENTO Charetti America – Francisca Mi tabata tin e honor di sera konosí i kòmbersá ku sra Ilse Smits ku ta e embahadora di Reino Hulandes na Panamá.

Nos a kòmbersá riba diferente tema entre otro e ekonomia di Panamá, e migrantenan, skolnan na Panamá ku ya tin 2 aña sera pa motibu ku hopi di nan no tin konekshon di awa, i tambe kon e pandemia a afektá Panamá.

Panamá ta brinda hopi oportunidat i den nos kòmbersashon a para ketu riba formanan pa por habri kaminda pa por ehèmpel negoshinan, studiantenan i kon ekonomia di Kòrsou por probechá mas di e oportunidatnan aki. Nos a para ketu kon pa estrechá lasonan via e Embahada di manera ku por kristalisá algun di e oportunidatnan i ideanan aki.

Un di e inisiativa nan aki ku tambe nos por a kòmbersá tokante di dje, ta Holland House.

Holland House ta sostené negoshinan internashonal entre Panamá i Reino Hulandes.

Holland House ta dediká na yuda entre otro kompanianan di Kòrsou pa nan bira eksitoso den e merkado Panameño.

Ami lo konsehá negosiantenan ku ke sigui amplia nan negoshi internashonalmente pa buska mas informashon di Holland House na Panamá.

Pronto sra. Ilse Smits mes lo bini Kòrsou, pa wak kiko tur nos dushi isla tin di ofresé.