KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

GOBIÈRNU DI KÒRSOU A TENE E DI 8 REUNION KU E SENTRALNAN DI SINDIKATO I VBC.

GOBIÈRNU DI KÒRSOU A TENE E DI 8 REUNION KU E SENTRALNAN DI SINDIKATO I VBC.

 

Willemstad – Minister di Desaroyo Sosial, Labor i Bienestar Ruthmilda Larmonie-Cecilia, Minister di Desaroyo Ekonómiko Ruisandro Cijntje, Minister di Finansa Javier Silvania, Minister di Tráfiko, Transporte i Planifikashon Urbano Charles Cooper i Minister di Maneho di Gobernashon, Planifikashon i Servisio Públiko Ornelio Martina, na nòmber di Gobièrnu di Kòrsou, a reuní ku e tres sentralnan di sindikato i VBC dia 15 di febrüari 2022 na Fòrti.

 

Minister Ruthmilda Larmonie-Cecilia tabata esun ku a guiá e reunion, debi ku Promé Minister Gilmar Pisas mester tabata presente den un reunion na Parlamento di Kòrsou.

 

Esaki tabata e di 8 reunion ku ta tene ku e tres Sentralnan di Sindikato i Vereniging Bedrijfsleven Curaҫao (VBC).

E tres sentralnan di sindikato ta: Central General di Trahadornan di Corsow (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a logra trata algun di e puntonan ku tabata programá riba e agènda. E puntonan aki tabata: 

  • 12,5 % (Normering top inkomens);
  • Presentashon di e Economic Development Board;
  • Desaroyo riba petishon di pèrmit pa traha kas i legalisashon di konstrukshonnan ku tei.

 

Pa ku e punto di 12,5 % tabata Minister Javier Silvania i Minister Ornelio Martina ku a duna informashon den ekstenso na esnan ku tabata presente.

A duna informashon riba henter e proseso aki, kualnan ta entre otro kiko a bin haña, kiko mester a hasi i dikon, i kua ta e status  aktual di e asuntu aki.

 

Minister Ruisandro Cijntje i sr. Caryl Monte tabata esnan ku a duna un presentashon ekstenso riba e desaroyonan rondo di lantamentu di e Economic Development Board, kon esaki lo bai funshoná i na unda e lo bai keda ubiká.

Pa ku e punto di desaroyo riba petishon di pèrmit pa traha kas i legalisashon di konstrukshonnan ku tei tabata Minister Charles Cooper ku a duna un splikashon ekstenso pa ku henter su maneho riba e asuntunan aki.

 

E reunion a kana den un bon esfera kaminda tabatin espasio amplio pa kada partido por a dialogá, hasi pregunta, risibí kontesta, kompartí informashon i sugerensianan ku otro riba e puntonan ku a bini dilanti.

 

Leave a Reply

This site uses Akismet to reduce spam. Learn how your comment data is processed.