google.com, pub-5639114718427035, DIRECT, f08c47fec0942fa0

FUNDASHON ALIANSA TABATA DI BISHITA  SERKA MINISTER DI HUSTISIA GILMAR PISAS

FUNDASHON ALIANSA TABATA DI BISHITA 

SERKA MINISTER DI HUSTISIA GILMAR PISAS

 

Willemstad – Representantenan di Fundashon Aliansa/CAFRA Curacao tabata di bishita serka Minister di Hustisia Gilmar Pisas dia 7 di febrüari 2022.

Fundashon Aliansa a keda representá pa señoranan Jeanne Henriquez (Aliansa), Giany Girigoria (Aliansa) i Geraldine Archer (Aliansa/CAFRA Curacao).

 

Durante di e bishita e fundashon a introdusí dos persona ku ta bai traha den estrecho koperashon ku e fundashon. Ta trata di e sr. Jeremy Locke, representante di e organisashon “Operation Underground Railroad” (na Merka) i sra. Lara Lessing di e organisashon “Free A Girl” (na Hulanda)

E dos organisashonnan aki ta traha den estrecho koperashon ku otro i ta “non profit organizations”.

 

E organisashon “Operashon Underground Railroad” ta un organisashon ku nan base ta keda na Merka i ku ta den 50 siudat i 30 pais rònt mundu. 

Meta di “Operation Underground Railroad” ta pa skapa i eliminá víktimanan di trafikashon di hende, espesialmente mucha ku ta keda trafiká pa metanan seksual. 

E organisashon tin hopi aña di eksperensia riba e tereno aki i por yuda ku entre otro dunamentu di training i tambe material.

E organisashon Hulandes “Free A Girl” ta haña sosten di “Operation Underground Railroad” den su trabou. 

 

Na final di e kombersashon Mnister di Hustisia sr. Pisas a ekspresá e disponibilidat pa traha ku “Operation Underground Railroad” riba e problema agudo di trafikashon di hende na Kòrsou. 

A palabrá ku e delegashon ta regresá Kòrsou riba término kòrtiku pa papia tokante un relashon di trabou entre Gobièrnu di Kòrsou i e organisashon “Operation Underground Railroad”.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: