GOBIÈRNU DI KÒRSOU A RISIBÍ UN PRESENTASHON  RIBA E PROYEKTO DI STEAMBOAT FUELS

GOBIÈRNU DI KÒRSOU A RISIBÍ UN PRESENTASHON 

RIBA E PROYEKTO DI STEAMBOAT FUELS

 

Willemstad – Gobièrnu di Kòrsou, representá pa Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonie-Cecilia, Minister di Finansa Javier Silvania,  Minister di Salubridat Públiko, Medio Ambiente i Naturalesa Dorothy Pietersz-Janga i Minister di Tráfiko, Transporte i Planifikashon Urbano Charles Cooper, a risibí un presentashon riba e proyekto di Steamboat Fuels (SBF) resientemente na Fòrti.

 

Steamboat Fuels ta un planta pa pre-tratamentu di materia prima renovabel ku lo ta lokalisá na Bullenbaai na Kòrsou. E ta un kompania ku ta desaroyá proyektonan di kombustibel renovabel i ku ta ser liderá pa un tim di maneho eksperto ku mas di 60 aña di eksperensia mundial trahando den energia, energia renovabel, elektrsidat, logístika i distribushon. 

E planta lo tin un kapasidat pa pre-trata 2000 tòn (13.000 barí) pa dia di zeta vegetal krudo, prinsipalmente pa ser usá komo materia prima pa refinerianan di diesal renovabel na Merka i/òf Europa.

E planta ta diseá tambe pa trata otro materia prima, inkluso zeta di kushiná usá i/òf vèt di animal, konforme demanda.

 

E invershon pa konstruí e planta aki lo tin un impakto grandi, debí ku e lo kosta 180 mion dòler pa konstruí e planta aki insialmente ku su infrastruktura korespondiente.

Lo bai tin 600+ kupo di trabou durante di e konstrukshon, kaminda mayoria lo ta lokal, ku eksepshon di spesialistanan ku mester bini di afó.

Despues di e siere finansiero (premirá pa mei 2022) lo dura 18-22 luna pa konstruí e planta. E planta lo ta operashonal inmediatamente despues di konstrukshon.

Pa ku empleo a largo plaso lo bai tin oportunidat di trabou pa trahadonan kapasitá entre 125 pa 135 kupo di trabou permanente na Kòrsou pa kada planta.

E ekspektativa ta ku un multiple di planta lo keda konstruí.

 

Por klik riba e link aki pa wak un video 3D di e planta di SBF: https://youtu.be/q6mO0fvkDus  i a mas informashon por aserká Refineria di Kòrsou.

Steamboat Fuels Curaҫao lo ta e promé kompania ku ta kumpli ku e reglanan nobo di Kòrsou su maneho pa pèrmit di Medio Ambiente.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: