GOBIÈRNU DI KÒRSOU A PUBLIKÁ E PRESUPUESTO AKORDÁ PA AÑA 2022

MINISTERIO KONSERNÍ ASUNTUNAN GENERAL I PROMÉ MINISTER

 

GOBIÈRNU DI KÒRSOU A PUBLIKÁ E PRESUPUESTO AKORDÁ PA AÑA 2022

PUBLIKÁ RIBA 18 FEBRÜARI 2022

 

Willemstad- Djabièrnè dia 4 di febrüari di e aña, Gobièrnu di Kòrsou a risibí aprobashon di parti di Konseho di Minister di Reino (RMR) pa por desviá for di e normanan presupuestario di e aña akí. Desviashon di e normanan presupuestario ta nifiká básikamente, ku entre otro Gobièrnu di Kòrsou por tin un presupuesto ku un défisit pa e aña presupuestario en kuestion.

Djaluna último, dia 14 di febrüari, e Lei di presupuesto di Kòrsou di aña 2022 manera aprobá dor di Parlamento di Kòrsou a keda firmá pa Gobernador di Kòrsou, sra. Lucille George-Wout. Ku e firma di Gobernador, e presupuesto pa aña 2022 ofisialmente a keda akordá. Despues ku e presupuesto a keda akordá pa Gobernador, sr. Javier Silvania tambe a firma esaki komo Minister di Finansa na nòmber di Gobièrnu di Kòrsou i Promé Minister, sr. Gilmar Pisas, finalmente a firma pa outorisá publikashon di e lei. Ofisialmente a publiká e presupuesto pa aña 2022 dia 17 di febrüari último i konforme artíkulo 16, insiso 2 i 3 di e Lei di Kontabilidat 2010, esaki a drenta na vigor ku forsa retroaktivo te ku 1 di yanüari di e aña akí.

Tur dos lei ta aksesibel via di wjz.gobiernu.cw òf click e adrèsnan abou:
Presupuesto 2022
Lei di Kontabilidat 2010

This site uses Akismet to reduce spam. Learn how your comment data is processed.

%d bloggers like this: