Treinen pa personanan ku ke traha den konstrukshon

Treinen pa personanan ku ke traha den konstrukshon

Kralendijk Bonaire Ocho buskadó di trabou lo haña e chèns pa partisipá den un kurso gratuito di treinen básiko pa e sektor di konstrukshon. Despues di kompletá e treinen aki, e partisipantenan lo haña un sertifikado i lo koloká nan inmediatamente ku un dunadó di trabou. Plenchi di Trabou, den kolaborashon ku e Instituto di Enseñansa di Hulanda Karibense (OICN), ta organisá e treinen aki.

Training in de bouw

E meta di e treinen ta pa yuda personanan lokal ku ta buskando trabou den konstrukshon na Boneiru. Tin hopi demanda pa trabou den e sektor di konstrukshon i ta parse ku  por lo pronto e demanda aki lo keda.  

E treinen ta kuminsá shete (7) di mart i ta dura un luna. Durante e período aki, e partisipantenan lo haña lès tokante teoria i praktiká parti mainta i atardi nan lo djòin un kompania di konstrukshon pa atkirí eksperensia práktiko. E partinan ku lo kubri ta inkluí: Trabou di metsla, plèistu, karpinteria, flèkmentu di waya di heru, fèrf, paipfeter, elektrisidat i instalashon di bentana i portanan. 

Partisipashon na e treinen ta grátis. E partisipantenan mester por realisá un trabou físikamente eksigente, mester por lesa i skirbi (Papiamentu) i mester ta motivá pa traha den e sektor di konstrukshon. Den konsulta ku e propio dunadó di trabou, personanan ku ya ta traha den konstrukshon por partisipá den e treinen aki pa haña kapasitashon adishonal. 

Si tin pregunta òf pa registrá, tuma kontakto ku Plenchi di Trabou via info@plenchiditrabou.com, (+599) 7158346 òf bishita e ofisina na Kaya L. D. Gerharts 12. 

Share this page to Telegram

This site uses Akismet to reduce spam. Learn how your comment data is processed.

%d bloggers like this: