Na di dos lugá den Best Caribbean Resorts: Renaissance Wind Creek Curaçao Resort den tòp 3 di USA TODAY Travel Award 2022

 

Na di dos lugá den Best Caribbean Resorts:

Renaissance Wind Creek Curaçao Resort den tòp 3 di USA TODAY Travel Award 2022

 

WILLEMSTAD – Renaissance Wind Creek Curaçao Resort a keda premiá ku e di dos lugá den kategoria di “Best Caribbean Resorts” pa USA Today 10 Best Reader’s Choice Travel Awards 2022. Djabièrnè ultimo e ganadornan a bira konosí, i Kòrsou ta den tòp 3! ‘USA Today’ ta un di e korantnan ku mayor sirkulashon na Merka. Tur aña un pènel di eksperto huntu ku editornan di ‘USA Today 10 Best’ ta saka un lista di 10 nominado den diferente kategoria. Basá riba e lista aki usuarionan tin 4 siman pa vota i for di esaki ta saka 1 lista ganador.  “Nos ta sumamente kontentu ku e notisia i pa risibí rekonosementu banda di otro resortnan di prestigio den Caribe. E di dos lugá den henter Caribe ta motibu pa selebrá. Ta na su lugá pa gradisí e tim kompletu di Renaissance Wind Creek Curaçao Resort pa nan empeño di sirbi tur huéspet ku un toke spesial i krea momentunan inolvidabel. Un danki na tur hende ku a vota i na tur huéspet ku a sá di rekonosé nos resort i e servisio ku nos ta brinda.”, esaki di akuerdo ku Sra. Maritza Molina, direktor di benta i merkadeo pa Renaissance Wind Creek Curaçao Resort. Tambe, un felisitashon na ‘Shete Boka’ ku a resultá ganador apsoluto den kategoria “Best Caribbean Attraction” i Grote Knip ku a keda na di 4 lugá den kategoria di “Best Caribbean Beach”. Masha Pabien!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: