KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

GOBIÈRNU DI KÒRSOU A TENE E DI 9 REUNION  KU E SENTRALNAN DI SINDIKATO I VBC.

GOBIÈRNU DI KÒRSOU A TENE E DI 9 REUNION 

KU E SENTRALNAN DI SINDIKATO I VBC.

 

Willemstad – Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonie-Cecilia, Minister di Finansa Javier Silvania, Minister di Maneho di Gobernashon, Planifikashon i Servisio Públiko Ornelio Martina, na nòmber di Gobièrnu di Kòrsou, a reuní ku e tres sentralnan di sindikato i VBC dia 22 di febrüari 2022.

 

Esaki tabata e di 9 reunion ku ta tene ku e tres Sentralnan di Sindikato i Vereniging Bedrijfsleven Curaҫao (VBC).

E tres sentralnan di sindikato ta: Central General di Trahadornan di Corsow (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a solamente un punto agènda. E punto aki tabata: 

  • Lei di Normering Topinkomens (12,5 %).

 

Un tim di hurista di e Direktorado di Lei i Kasonan Hurídiko (WJZ) a duna informashon den ekstenso na esnan ku tabata presente.

A duna informashon riba henter e proseso, kiko mester a hasi i dikon, i kua ta e status  aktual di e lei aki.

 

A palabrá huntu ku kada partido lo entregá nan pregunta i sugerensianan por eskrito, buska mas informashon i konseho adishonal, pa despues bolbe bini huntu pa sigui atendé ku e lei aki. Lo aserká Parlamento tambe ku e petishon pa wanta un ratu ku tratamentu di e lei aki.

Pues e 4 partidonan aki )e tres sentralnan di sindikato, VBC i Gobièrnu) ta sintando huntu na mesa pa sigui studia i analisá e lei aki mas mihó, pa asina si ta nesesario bini ku e sugerensia i/òf kambionan nesesario.

 

E reunion a kana den un bon esfera kaminda tabatin espasio amplio pa kada partido por a dialogá, hasi pregunta, risibí kontesta, kompartí informashon i sugerensianan ku otro riba e informashonnan ku a bini dilanti.

 

Leave a Reply

This site uses Akismet to reduce spam. Learn how your comment data is processed.