TRABOU PA KÒRSOU A DIRIGÍ KARTA DEN KUADRO DI KANSELASHON LEI DI EMERGENSIA NA PRESIDENTE DI PARLAMENTO

 

TRABOU PA KÒRSOU A DIRIGÍ KARTA DEN KUADRO DI KANSELASHON LEI DI EMERGENSIA NA PRESIDENTE DI PARLAMENTO

 

No tin motibu pa Kòrsou sigui bou di lei estado di emergensia

 

 

Artikulo 4 di ‘Landsverordening Uitzonderingstoestand’ ta duna parlamento di Kòrsou e outorisashon pa terminá e lei aki. Pa Trabou pa Kòrsou TPK no ta nesesario pa pais Kòrsou sigui den e lei di emergensia. A kita toke de keda kompletamente, komunidat ta moviendo tur kaminda i sifranan di kontagio no ta subiendo mes.

 

Loke si Trabou pa Kòrsou TPK ta kondená ta ku a kuminsa hasi otro tipo di kòntròl bou di e lei aki i ta saka komunikado ku kontenido di esaki. Siendo ku tin leinan pa hasi e tipo di kòntròlnan aki kaba. Ku tipo di kòntròl nos ta referí na kòntròl di higiena na restorant i kòntròlnan ku normalmente MEO ku GMN ta efektuá.

 

Trabou pa Kòrsou TPK ta konsiente di e echo ku komo presidente di parlamento i komo e siudadano ku e posishon mas haltu na Kòrsou, presidente di parlamento tin e outoridat pa yama un reunion públiko pa kanselá e lei aki. Pa e motibu aki e karta aki pa pidi i enkurashá presidente pa yama e reunion aki.

 

Trabou pa Kòrsou TPK ta keda pendiente un reakshon positivo.

 

Masha danki p’e koperashon.

 

 

Pa mas informashon por tuma kontakto ku parlamentario i a la bes líder polítiko pa Trabou Pa Korsou TPK, sr. Rennox Calmes na 528-4858.

 

This site uses Akismet to reduce spam. Learn how your comment data is processed.

%d bloggers like this: