google.com, pub-5639114718427035, DIRECT, f08c47fec0942fa0

Presidente di Parlamento a risibí  e Visepresidente Konseho di Estado di Reino Ulandes sr.Thom de Graaf na Parlamento! 

 

Presidente di Parlamento a risibí  e Visepresidente Konseho di Estado di Reino Ulandes sr.Thom de Graaf na Parlamento! 

 

Djaweps dia 3 di mart 2022 e Vise Presidente di e Konseho di Reino Ulandes (Raad van State) señor Thom de Graaf a realisá un bishita di trabou na Parlamento di Kòrsou. Thomas Carolus de Graaf (nase na Amsterdam 11 di yüni 1957) ta un mandatario polítiko Ulandes di un trayekto largu komo miembro di Parlamento Ulandes for di 17 di mei 1994. Sr. de Graaf tin un bon konosementu di e relashonnan gubernamental entre gobernashon Ulandes  i e islanan di Karibe Hulandes. E tabata Minister di Relashonnan di Reino i tambe bosero di e frakshon di D66 den Tweedekamer pa ku Relashonnan di Reino. For di 1 di Novèmber 2018 sr. de Graaf ta Vise Presidente di e órgano di Konseho di Estado di Reino Ulandes (Raad van State). Promé ku esei sr. de Graaf tabata Miembro di Senado Ulandes di  7 yüni 2011 te ku 20 sèptèmber 2018.

 

E bishita di trabou di e vise Presidente di e Konseho di Estado di Reino Ulandes ta unu anual kaminda e, huntu ku su delegashon, ta bishita e islanan i paisnan ku ta forma parti di Reino Ulandes pa asina e órgano aki haña mihó komprondementu di loke ta biba den e komunidatnan di e respektivo paisnan i e retonan ku nan ta konfrontando.

 

E delegashon Parlamentario ku a risibí sr. de Graaf i su delegashon tabata konsistí di Presidente di Parlamento sra. Charetti America-Francisca i lidernan di frakshon dje partidonan ku tin asiento den Parlamento ku ta sr. Amerigo Thodé, sr. Rennox Calmes, sr. Sheldry Osepa, sr. Quincy Girigorie i sr. Ivan Martina kompañá pa grefir.  

 

E Vise Presidente di e Órgano di estado di Reino Ulandes tabata akompaña pa e miembro di e Konseho di Estado sr. Comenencia, sekretario di e Konseho di Estado sra. Horstman, Konsehero dje Órgano di Estado sr. Van der Veer i e hefe di e sektor di konseho ku ta sra. Loeber. Prinsipalmente a deliberá tokante e tema aktual di índole legislativo ku ta e konsepto di Lei di Reino COHO.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: