MOVIMENTO ELECTORAL DI PUEBLO MEP TA INVITA PUEBLO DI ARUBA PA BIN CELEBRA “DIA DI HIMNO Y BANDERA”

MOVIMENTO ELECTORAL DI PUEBLO MEP TA INVITA PUEBLO DI ARUBA PA BIN CELEBRA “DIA DI HIMNO Y BANDERA”

Evento dedica na su fundador, señor Hyacintho Rudy Croes+

 

 

Den cuadro di celebracion di Dia di Himno y Bandera, partido Movimento Electoral di Pueblo MEP ta organisa e evento anual na unda lo hisa e bandera di mas grandi di Aruba na cede di MEP.

 

E evento aki a ser funda na aña 1997 pa señor Hyacintho Rudy Croes+ y su commission cu tabata tin e honor tur aña di hisa e bandera aki. Esaki ta e prome aña cu señor Rudy Croes no ta cu nos mas y pa e motibo aki Partido MEP ta brinda e honor na su famia pa e anochi aki por hisa e bandera den su nomber.

 

Señor Hyacintho Rudy Croes+ tabata un persona cu a dedica na representa su partido y pais Aruba dignamente durante hopi aña. Partido MEP ta gradici señor Hyacintho Rudy Croes+ pa tur su esfuerso, dedicasion y amor cu el a brinda cada un di nos.

 

Un invitacion special ta bay na e comunidad di Aruba pa bin celebra Aruba su dia nacional, Dia di Himno y Bandera cu partido MEP dia 17 di Maart na Cede di MEP di 11 pm pa 1 am. Lo tin live entertainment “ONE OF A KIND MUSIC” y bar y cushina lo ta bon surti.

 

BAN HISA NOS BANDERA CU ORGUYO!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: