Perspektiva ta estrena durante weekend último.
Willemstad, Kòrsou- wikènt tras di lomba, Impact Creative Agency a estrená e pelikula kòrtiku titulá “Perspektiva” na teatro Luna Blou ku un sala “sold out”.
E anochi a kumisá ku un “Red Carpet Event” kaminda e elenko i tambe crew dje pelikula a saka diferente potrèt i hasi diferente entrevista ku prensa lokal.
E pelikula kòrtiku, di genero drama aki ta skibí pa Malcolm Damiana i dirigí pa Rovendley Welvaart ( Ganadó mihó pélikula kòrtiku Play Go 2021 ) ta konta ku aktuashon di Malcolm Damiana, Shenyo Bokshoven, Leatitia Picus i debutando den su prome ròl den un pelikula Luzmarina Rodriguez Pita.
Perspektiva ta un historia ku ta basá riba balor pa bo trabou, i importansia di amor bo famia.
Virgil (Damiana) su bida ta wòrdu pone ariba abou na momentu ku su chèf (Picus) ta menasá di kite for di trabou, esaki a pone henter su bida kambia di un dia pa otro.
Malcolm Damiana kual ta esktritor i aktor prinsipal den e pelikuka kòrtiku aki a aktua den diferente otro produkshon manera Tahit. Cinematografiá dje pelilkula a wòrdu hasi dor di Angelo Lourens (Angofilms), editashon tabata na enkargo di Refael Kario. E pelikula a wordu produsí dor di Michenou Paz di Impact Creative Agency.
E anochi tambe a konta ku un presentashon di e obra nobo di Albert Schobaar i tambe a pasa e pelikula kòrtiku “Tahit” kual a gana mihó pelikula i voto públiko di e kompetensia “Play Go Emerge 2021”.
Tabatatin hopi bon komentario di e diferente invitadonan na e estreno dje pelikula. Invitadonan dje anochi aki tabata entre otro diferente profeshonalnan den e area di pelikula aki na Kòrsou.
Impact Creative Agency ta sumamente orguyoso di por a estrená e pelikula aki. E pelikula aki ta na e momentunan aki den diferente kompetensia internashonal i despues di esaki lo e ta publikamente aksesibel.
