Kaso di tiramentu ku 4 persona heridá.

KOMUNIKADO DI PRENSA 141/2022
20 mart 2022.
Kaso di tiramentu ku 4 persona heridá.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 20 di mart 2022 alrededor di 03.55’or, Sentral di Polis a dirigí unidatnan polisial
pa un klup nokturno den Saliña pa un kaso di tiroteo.
For di investigashon preliminar a sali na kla ku dos hòmber tabatin problema ku otro den e
diskotèk i na momentu ku nan a sali pafo, un otro hòmber a lòs algun tiru dirigí riba un di e
hòmbernan aki.
E víktima a risibí bala na altura di su boka i ku su mes vehíkulo a kore bai sala di emergensia
di C.M.C.
Tres otro persona den besindario di kaminda e tiramentu a tuma lugá ku no tabatin nada di
haber ku e kaso aki, tambe a keda alksansá pa tirunan for di e arma ei.
Dos di e víktimanan a keda transportá den outo partikular pa C.M.C., mientras un otro a
keda hibá hospital ku ambulans.
Polis a konfiská un vehíkulo i investigashon den e kaso aki ta kontinuá.