Análisis di krimenan di impakto haltu.

 

KOMUNIKADO DI PRENSA 148 /2022
22 mart 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Krímennan di impakto haltu durante di e periodo di 14 pa 20 di mart 2022 a duna e
siguiente resultado.

Atrako
Tabatin dos (2) kaso di atrako registrá durante di e periodo aki i nan a tuma lugá riba
djasabra, entre 19.58’or i 03.30’or. Un di e atrakonan aki a tuma lugá na un kas na Seru
Fortunaweg i e otro riba e lugá di stashoná outo na Mambo. Den ámbos kaso e
sospechosonan a hasi uso di un arma di kandela.
Ladronisia di vehíkulo
Polis a registrá un (1) kaso di ladronisia di vehíkulo ku a tuma lugá riba djaweps entre
22.20’or i 07.15’or. Ta trata di un vèn di e marka Toyota model Hiace.

Kiebro den kas
Polis a registrá seis (6) kiebro den kas. Mayoria di e kiebronan aki a tuma lugá riba djasabra
entre 10.00’or i 13.00’or i malechornan a penetrá dor di kibra òf fòrsa bentana di kamber.
E kiebronan aki a tuma lugá na e.o. Sabana Hundu, Kaya Matrimonial, Kaya Harmonia, Kaya
Akoerio i Kaya Grusonia.
Kiebro den negoshi
A konfirmá 4 kiebro den negoshi i tur a tuma lugá riba djabierne i djaweps entre 03.00’or i
05.00’or.
Malechornan a penetrá den e edifísionan dor baha via di dak.

E areanan na unda e kiebronan aki a tuma lugá tabata e.o. Seru Lora, Otrobanda,
Koningsplein i Groot Davelaar.

Kiebro den outo
Tabatin dos (2) kiebro den outo, ku a tuma lugá prinsipalente riba djabièrnè i djasabra entre
22.00’or i 02.00’or.
E método ku mas e malechornan a usa tabata sea pa fòrsa of kibra e bentana di porta na
man drechi patras di e vehíkulo.
E sítionan na unda a kibra den outo tabata Theaterstraat i Boerhaavestraat.

Violensia relashonal
Polis mester a atendé tres (3) kaso di violensia relashonal, di kua mayoria a tuma lugá riba
djaluna.
E kasonan aki a tuma lugá entre 00.00’or i 02.00’or.
E áreanan kaminda ku polis mester a duna asistensia pa e tipo di violensianan aki, tabata
Mahuma, Otrobanda i Sta. Rosa.

This site uses Akismet to reduce spam. Learn how your comment data is processed.

%d bloggers like this: