Funshonarionan di Wardakosta a pasa kurso i eksamen di ‘Baton Stick, Pepperpray & Ambtsinstructie’

Di 16 pa 18 di mart 2022, e promé grupo di funshonarionan di Wardakosta a pasa e kurso ‘Baton Stick & Pepperspray en Ambtsinstructie’ na ORV. Konformé Lei di Reino di Wardakosta e personal ku ta hasi uso di e artefaktonan aki mester bai e kurso i pasa eksamen.

Durante e kurso e funshonarionan ta siña kon ta usa e baton stick (klòp) na diferente manera i den diferente situashon. Defendé kontra sospechoso sin arma, tambe ora e sospechoso a kita e arma òf ta trata di kita e arma di e agente di Wardakosta.

E agente di Wardakosta ta siña usa e pepperspray i kon aktua na momentu ku e mes keda afektá pa e likido òf gas di e ‘pepperspray’.

Na final di e kurso e agente di Wardakosta ta pasa eksamen di uso di Baton Stick, Pepperpay i e parti teoretiko pa loke ta trata e dekreto di uso di violensia i arma (Ambtsinstructie).

3 grupo mas di e funshonario di Wardakosta lo pasa e kurso den e simannan benidero.

E kurso i eksamen a tuma lugá na ORV. Tur aña di nobo e funshonario di wardakosta mester kea reserfitiká.

portrètnan

Kordinadó di e kurso, hefe suplente initiele opleidingen IP Djener Jansen na apertura di e kurso

Dosente Audy Muller ta dirigí palabra na apertura

Durante training di Pepperspray na ORV

Eksamen a tuma lugá den presensia di funshonarionan di ORV i di Wardakosta