Kaso di tiramentu ku morto.

KOMUNIKADO DI PRENSA 155 /2022
25 mart 2021
Kaso di tiramentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 25 di mart 2022 alrededor di 07.26’or Sentral di Polis a risibí informashon di un
kaso di tiramentu ku a tuma lugá den Cubaguaweg.
Mesora a dirigí varios unidat na e sítio.
Na yegada di e promé unidat, el a bin topa un hòmber drumí abou ku diferente herida di
bala i for di e momentu ei no tabata duna señal di bida.
For di investigashon preliminar ku polis a realisá na e sítio a sali na kla ku e hòmber aki lo
mester tabatin interkambio di palabra ku un otro persona.
Djis despues esei e hòmber aki a risibí un tiru for di un arma di kandela ku konsekuensia ku
el a fayesé na e sítio mes.
Na jegada di polis ja e sospechoso no tabata na e sítio mas
Dòkter di polis a konstatá morto di e víktima, un hòmber di nashonalidat hamaikino.
En konekshon ku e asesinato aki polis a tene un entrada hudisial na un adrès na Julian i a
konfiska artíkulonan ku ta di importansia pa e investigashon.
Riba òrdu di fiskal di Ministerio Públiko a konfiská kurpa di e víktima i un vehíkulo.
Debí ku no a notifiká famia ainda, lo no por duna e identidat liber.
Investigashon den e kaso aki ta kontinuá.