TOASTMASTERS KU KOMPETENSIA DI DISKURSO

 

TOASTMASTERS KU KOMPETENSIA DI DISKURSO

 

Willemstad, Divishon A esta klupnan di Toastmasters na Kòrsou ta tene nan kompetensia di diskurso virtualmente djasabra 26 mart 2022. Divishon A ta konsistí di diferente klup na Kòrsou i for di yanüari kòntèstnan ta tumando lugá den klupnan i e areanan.

Pa e kòntèst aki na nivel di Divishon lo tin 4 kategoria, esta diskursonan humorístiko, prepará, imprompto i di evaluashon. Un total di 12 partisipante lo kompetí, parti den e diferente kategorianan.

Klupnan di Toastmasters na Kòrsou ta invitá bo pa presensia esaki via di siguiente kodigo di Zoom: 955 4808 1057 i kodígo pa login ta DivisionA. E kompetensia lo kuminsá 5or atardi. Bin eksperensiá mas di Toastmasters i disidi ku abo tambe por sigui desaroyá bo mes ku Toastmasters.

Ganadónan lo representá Kòrsou na District 81 Caribbean Toastmasters Speech Contests na mei 2022.