Willemstad, 28 di mart, 2022 – 31 enfermero di Caribe Hulandes, inkluso 10 di Curaçao Medical Center (CMC) a risibí nan sertifikado di Kuido básiko Agudo (BAZ). E training akí ta pone ku nos enfermeronan di Caribe Hulandes ta mas fleksibel i por reakshoná na un manera adekuá den situashonnan agudo manera un pandemia. E logro aki ta signifikante konsiderando ku e enfermeronan aki mester a  pasa dor di 6 luna di training intensivo miéntras ku nan ta trahando den un pandemia.

E 31 enfermeronan akí ta forma parti di aproksimadamente 100 partisipante den e programa di training di Caribbean Health Academy (CARIBHA). E training ta areglá i finansiá pa Ministerio di Salú, bienestar i deporte di Hulanda (VWS) i VUMC Academie, ku ta train e enfermeronan den kolaborashon ku hòspitalnan na Kòrsou, Aruba, Bonaire, St. Maarten i St. Eustatius.

E velosidat ku e grupo grandi aki a risibí e formashon tantu na Hulandes komo na Ingles den un periodo sumamente kòrtiku ta úniko. E kompromiso di e partisipantenan i nan hefenan ta un gran logro.

Pabien na enfermeronan di CMC: Susmelly Morisius, Denise Parris, Jennifer Stasia, Darlene Manuela,

Tilysay Daal, Elten de Jesus, Tamisha Glascow , Anthony Pietersz , Zuwenna Maduro, Oswaldo Maria

Pa último desaroyonan di CMC, sigui página di Facebook di Curaçao Medical Center.