Prome Punda Local Fair –  Djasabra, 2 di aprel 2022

Prome Punda Local Fair –  Djasabra, 2 di aprel 2022

Riba djasabra, 2 di aprel, en konekshon ku “Pact of Punda”, Downtown Management Organization (DMO) ta estrená su promé ‘Punda Local Fair’.

Alrededor di 60 negoshi chiki lo tei presente den kaya nan di Punda bendiendo produktonan manera, arte lokal, kuminda lokal, fruta i bèrdura, obra di man, produktonan trahá lokal di beyesa i salú, mata i hopi mas. E merkado lo konsentrá su mes riba Plaza Jojo Correa i Madurostraat.

Pa nos muchanan, lo bai tin bouncers, buskament’i webu, speurtocht, popcorn i mas. Komo entretenimentu nos lo ranka sali ku “Siman di Muzik pa Mucha” organisá pa “Fundashon Beti Doran” huntu ku muchanan di Angelitos i Sweet Dancers.

Tambe lo bai tin banda Tipiko, kaha di òrgel patrosiná pa di Curaçao Tourist Board (CTB), grupo di baile Memoria di Kòrsou, grupo di baile Colombiano Danza i Folclor Curlantina i presentashon di “E Pèrlanan di Kòrsou”, kual lo deleitá nos públiko ku nan kansionnan nobo.

E meta prinsipal di e evento akí ta pa trese mas ambiente i un esfera dushi den Punda pa asina atraé mas hende di nos isla den nos sentro di siudat históriko.

DMO ta invitá un i tur pa bini Punda ku henter famia i sostené negoshinan lokal.

Pa mas informashon sigui nos página di Facebook i Instagram:

https://www.facebook.com/Pundalocalfair  i/òf https://www.instagram.com/pundalocalfair/

Share this page to Telegram

This site uses Akismet to reduce spam. Learn how your comment data is processed.

%d bloggers like this: