ABVO ta invitá su miembresia na Seshon informativo tokante COHO

 

ABVO ta invitá su miembresia na Seshon informativo tokante COHO

 

Willemstad – Sindikato ABVO, pa medio di Fundashon InForma, ta invitá tur su miembronan na un seshon informativo tokante COHO. Durante di e seshon aki, tres eksperto lo duna amplio splikashon di COHO: Kiko ta COHO?, Kon e lei di COHO ta hinka den otro?, Ki konsekuensia e lo tin pa e aparato gubernamental, i pa N.V. i Fundashonnan di Gobièrnu?, i hopi mas.

 

E ekspertonan invitá ta: Sr. Stanley Betrian, Sr. Ivan de Windt, i Sr. Lindomar Scoop.

 

E seshon aki ta tuma lugá: dia 5 di aprel 2022 di 6.00pm pa 8.00pm na Sede di ABVO, Sala di Rekreo.

 

ABVO ta pidi tur miembro ku ta interesá pa partisipá pa inskribí mandando un e-mail na sindikato@abvo.info pa mas tardá djaluna 4 di aprel.

 

Lo tin oportunidat pa sigui e seshon di forma virtual tambe. Na momentu ku inskribí, por hasi e petishon pa risibí e link pa sigui e seshon.

 

Un miembro bon informá por opiná.