PARTISIPASHON IMPORTANTE PA DOÑONAN DI BOTO MARÁ NA PIR DI CARACASBAAI

Willemstad – Agrarisch &Visserij Beheer (AVB) kaminda ántes tabata LVV, ta bai inisiá un trayekto pa restrukturá uzo di e pir di piskadó na Caracasbaai. Den kuadro di esaki, AVB ta hasi un yamada na tur doño di boto ku ta mará na pir di Caracasbaai pa mèldu entre 4 pa 8 di aprel próksimo, entre 9’or pa 11:30 di mainta na AVB na Klein Kwartier 33.

Momentu ku ta bai AVB, mester trese ID di doño di boto, dokumentonan di e boto ku ta mará na e pir, kontrato di mara boto na e pir i prueba di último pago ku a hasi den kaso ku ta disponé di esaki.