Tin oportunidat pa mas hoben forma parti di e projekto “Un Komienso Nobo”.
Tin oportunidat pa mas hoben forma parti di e projekto “Un Komienso Nobo”.
Korsou, 4 April 2022
Ministerio di Desaroyo Sosial, Labor i Bienestar ta un di e partnernan den e proyekto “Un Komienso Nobo” ku ta keda ehekutá den kuadro di un akuerdo entre Kòrsou i Hulanda.
‘Un Komienso Nobo’ ta brinda un oportunidat nobo na hóbennan entre 18 pa 24 aña ku no a kaba nan estudio òf a bini den kontakto ku hustisia. Tin oportuidat ainda pa tantu mucha muhe komo mucha homber inskribí.
Durante un periodo di kuater [4] luna e hóben lo bai siña norma i balornan, den un konteksto militar. Entre otro nan lo siña disiplina, lo atendé outoestima, rèspèt propio, kon bira mentalmente fuerte i kon karga responsabilidat pa di e manera ei despues nan por sigui un fishi den e sektor ku e hoben mes skohe.
Diabierne promé di april 2022, minister Ruthmilda Larmonie-Cecilia di SOAW a organisá un enkuentro na e ministerio kaminda un grupo di tantu mucha homber i muhe a asisti pa risibí informashon kon pa forma parti di e projekto aki. Na e okashon minster Larmonie-Cecilia a duna e hóbennan presente un palabra di aliento i motivashon. No opstante di e bon reakshon di hopi hóben ku ya a inskribí pa e projekto, ainda tin oportunidat pa mas hóben apliká.
Awe komo Minister enkarga ku Desaroyo Sosial, Labor i Bienestar, ami sra. Larmonie-Cecilia pa medio di e prestigioso media skibi ta hasi un supliká pa mas mucha muhe i hende homber entre
medio di e prestigioso media skibi ta hasi un supliká pa mas mucha muhe i hende homber entre 18 pa 21 aplika pa forma parti na e trajekto aki ku ahinda tin posibilidat.
Si bo ta un hóben(entre 18 pa 21 aña), sin trabou, ku no a kaba bo estudio i ke forma parti di e projekto “Un Komienso Nobo”, fabor manda bo informashonnan pa SOAW.
Manda un kopia di sedula i number di telefon na e email : corellly.carolina@gobiernu.cw òf unkomiensonobo@gmail.com
Por manda info via WhatsApp tambe riba number +5999 526 7369
Minister Ruthmilda Larmonie-Cecilia den kuadro di su vishon i maneho lo sigui hasi esfuerso pa krea oportunidat i asistí pa mas hende por sigui drenta den e proseso laboral i asina sinti nan mes orguyoso di tin un trabou.
