65 mama hóben a finalisá proyekto di Fundashon Famia Planiá: Banco di Caribe ta sostené ‘Bo Eskoho Pa Éksito’

65 mama hóben a finalisá proyekto di Fundashon Famia Planiá: Banco di Caribe ta sostené ‘Bo Eskoho Pa Éksito’

 

WILLEMSTAD: Mamanan hóben ta pasa den momentonan difísil. Hopi di nan tin ku enfrentá bida nan só debí na un embaraso indeseá. Pero den tur situashon difísil tin un buèlta pa mihó. E ta kuminsá ku e determinashon pa kambia bo sirkunstansia di bida. Esaki ta loke 65 mama hóben a hasi! Resientemente Fundashon Famia Planiá a klousurá e proyekto ‘Bo eskoho pa éksito’ i djadumingu último e organisashon ku sosten finansiero di e.o. Banco di Caribe a logra krea un paréntesis i entregá un opsekio. Tur partisipante a risibí un pakete masha útil ku ta kontené diferente komestibel pa nan uso.

 

E proyekto ‘Bo eskoho pa éksito’ tabatin un durashon promedio di 11 luna. Sesentisinku mama hóben ku na desèmber 2021 a kuminsá nan partisipashon na e proyekto ‘Bo eskoho pa éksito’ a finalisá e trayekto ku éksito. Kada un di e mamanan aki tin un historia úniko i ta biba situashon difísil, sinembargo nan ta lucha tur dia pa sali na bienestar di nan famia. Banco di Caribe ta sumamente kontentu ku e partisipantenan aki a kumpli ku nan meta i ta deseá nan hopi éksito.

 

Tokante Fundashon Famia Planiá

Fundashon Famia Planiá ta un organisashon ku ta duna un man den diferente area sosial i familiar di nos komunidat. E proyekto ‘Bo eskoho pa éksito’ su enfoke tabata entre otro, pa konsientisá i prevení embaraso no deseá. Banco di Caribe ta deseá pa e proyekto aki sirbi komo estímulo pa kada partisipante. Un pabien na Famia Planiá i tur partisipante! Riba fotonan athunto un impreshon di djadumingu último.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: