Detenshon pa destrukshon i maltrato.
KOMUNIKADO DI PRENSA 218 /2022
19 aprel 2022
Detenshon pa destrukshon i maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 19 di aprel 2022 alrededor di 17.41’or, Sentral di Polis a risibí notifikashon di un
persona no deseá na un kas den Oranjestraat.
Na yegada di un unidat polisial na e sitio nan a topa ku un hòmber sintá pafó di e kas i
tabata keha di doló na e parti abou di su pia robes.
For di un investigashon preliminar ku polis a hasi a resultá ku dos hòmber ku ta biba den e
kas na Oranjestraat tabatin problema ku otro. Un di e hòmbernan aki a sali for di kas pa bai
investigá algu. Na momentu ku e la regresá, e no por a drenta e kas mas debí ku su
kompañero di kas a seré pafó.
E hòmber na su turno a destruí e porta di kas pa asina e por a drenta. Su kompañero di kas
a maltraté ku e banda plat di un machete i e víktima a bai bèk ku lomba i a baha un stupi i
kibra su pia.
Na e sitio polis a detené ámbos hòmber pa destrukshon i maltrato. Ta trata di e
hòmbernan:
R.v.B. nasé na Hulanda di 40 aña di edat;
K.M. nasé na Jamaica di 44 aña di edat.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.
