Kaso di atrako ku detenshon.
KOMUNIKADO DI PRENSA 217 /2022
19 aprel 2022
Kaso di atrako ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 19 di aprel 2022 alrededor di 17.33’or, Sentral di Polis a risibí notifikashon di un
kaso di atrako ku a tuma lugá na un toko riba Santo Domingoweg.
Mesora a dirigí diferente unidat polisial na e sitio i for di un investigashon prelimar a resultá
ku kuater hòmber kara tapá ku arma di kandela a presentá na e toko. Bou di menasa ku
arma di kandela nan a bai for di e sitio den un vehíkulo ku plaka kèsh i diferente artikulonan
for di den e toko.
Polis a kuminsá mesora ku investigashon i den área di Mina Scharbaai e señalá e
hòmbernan sospechoso koriendo den un mondi.
Despues di un persiguishon na pia, alrededor di 18.42’or polis a logra detené tres di e
sospechosonan. Tambe polis a haña i konfiská den un mondi den e área diferente
artikulonan probablemente prosedente di e atrako ariba menshoná.
Alrededor di 18.58’or personal di tim di atrako a detené dos sospechoso mas den un kas na
Veeris i a haña i konfiská un arma di kandela.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.