LUSNAN DI TRÁFIKO PLAZA HORACIO HOYER TA BÈK DEN FUNSHON

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

LUSNAN DI TRÁFIKO PLAZA HORACIO HOYER TA BÈK DEN FUNSHON

PUBLIKÁ RIBA 22 APREL 2022

Willemstad – Ministerio di VVRP huntu ku Servisio pa Obra Públiko (OW) ta partisipá ku entrante awe 21 di aprel 2022, e lusnan di tráfiko na Plaza Horacio Hoyer ta den funshon.

Despues ku tantu e lusnan na Plaza Horacio Hoyer i Waaigat tabata for di servisio pa un periodo basta largu, por bisa ku awor e krusadanan aki ta disponé bèk di lusnan di tráfiko.

E lusnan di tráfiko ta disponé di un kashi di lus nobo, ku di un forma optimal, lo regulá e kambio di lusnan.

Un petishon ta bai na tur outomobilista pa tene kuenta ku e lusnan di tráfiko na e krusada na Plaza Horacio Hoyer ta funshoná atrobe. Pues tur outomobilista mester paga tinu ora yega na e krusadanan aki.

Ministerio di VVRP huntu ku OW ta sigui hasi esfuerso pa  garantisá seguridat den tráfiko pa tur suidadano di Kórsou.

Share this page to Telegram

This site uses Akismet to reduce spam. Learn how your comment data is processed.

%d bloggers like this: