Polis ta pidi koperashon den tráfiko relashoná ku aktividatnan den Otrobanda.
KOMUNIKADO DI PRENSA 225 /2022
26 aprel 2022
Polis ta pidi koperashon den tráfiko relashoná ku aktividatnan den Otrobanda.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku aktividatnan ku ta bai tin awe djamars 26 di aprel 2022 den oranan di anochi
den Otrobanda, polis ta hasi un súplika na tur outomobilista ku mester trafiká den e área di
Otrobanda, pa bai ku e koutela nesesario i tene kuenta ku peatonnan ku tambe ta move
den e área ei.
Tambe ta pidi tur shofùr pa nan tin e pasenshi nesesario, en bista di trabounan ku ta
tumando lugá riba Pater Eeuwensweg, ta pone ku pa tráfiko den kada direkshon, tin
solamente un banda di kaminda.
Polis lo guia tráfiko awe na momentu ku ta nesesario, pero ta spera indulgensia di tur
usuario di kaminda pa e sirkulashon tuma lugá mas mihó posibel.
Pa evitá ku tráfiko ta kongestioná riba Pater Eeuwensweg i na altura di Rotònde Ergilio
Hato, outomobilistanan por hasi uso tambe di e kaminda nobo ku ta konektá Baden
Powellweg ku Pater Eeuwensweg na altura di Pisina Bennie Leito.
Kuerpo Polisial ta konta riba un bon komportashon di tur ku ta hasi uso di kaminda den e
área aki awe nochi i ta hasi un yamada pa sigui instrukshonnan duná dor di polis pa
garantisá òrdu públiko i seguridat i libertat den tráfiko, inmediatamente.
