REUNION ENTRE MINISTER DI HUSTISIA SR. HATO, KUERO POLISIAL I DIREKTIVA DI FFK!

REUNION ENTRE MINISTER DI HUSTISIA SR. HATO, KUERO POLISIAL I DIREKTIVA DI FFK!

FFK tin seguridat di su hungadónan, staf i personal i públiko ku ta bin wak nos partidonan hopi
na pechu. Pa e motibu aki FFK a aseptá mesora e invitashon di Minister di Hustisia Sr. Hato pa a
reuní huntu ku kuerpo polisial p’asina papia kon pa fortifiká e seguridat paden i pafó di
stadionnan.
A base di esaki Minister di Hustisia Sr. Hato, den estrecho kolaborashon ku FFK i kuerpo
polisial, a yega na un akuerdo kaminda polis lo bai patruyá mas frekuente na e diferente
stadionnan i tambe lo halsa vigilansia parti paden di e stadionnan. E sistema di seguridat ku FFK
ta implementá ta di akuerdo ku e standartnan internashonal stipulá pa organisashonnan manera
CONCACAF i FIFA.
FFK ta hopi agradesido na Minister di Hustisia Sr. Hato huntu ku kuerpo polisial ku mesora a
duna e sosten nesesario p’asina por garantisá ku nos deporte rei por sigui mañan 6 di mei, na un
manera seif pa tur ku ta asistí na nos partidonan.