Plantage Brakkeput Ariba
Kasi 2 siman pasá, dia di Rei 27 di aprel 2022. A surgi un kandela den nos “greenhouse”/ magazein. Departamento di insendio ta sosepechá ku ta un korto sirkuito den nos frishidèr di kosecha a kausa e kandela. Den nos “greenhouse”/magazein, nos tabata warda tur nos ekipo di kunuku; simia, makinaria, hèrmènt, slang di drep. Praktikamente tur material nesesario pa prepara i iriga e tereno di kunuku.
Esaki ta un slá enorme pa nos ku a pèrde tur kos ku nos a traha duru pe e último aña nan aki. Pero nos ta keda positivo i ta kere firme ku esaki lo ta un komienso nobo pa Plantage Brakkeput.
Nos ta sumamente gradesido na nos famia i amigunan ku ta animá nos i apoya nos den e tempu difisil aki. E ta impreshoná nos tur e mensahenan ku nos a risibí den muestra di apoyo for di e komunidad ku nos a krea riba djasabra na nos merkado; Kunukeronan, klientenan i otro distribuidornan: Masha danki.
Diferente persona a aserká nos puntrando kon nan por yuda. Lamentablemente nos “greenhouse” no tabata sigurá. Esaki ta nifiká ku nos lo tin ku bai rekonstruí tur kos di nobo. Ku esaki den mente, nos ta apresiá kualke kontribushon den forma di material segunda mano ku porta boso no lo usa òf den forma di fondo.
Nos ta sigur ku esfuerso i ingenio nos lo superá e kontratiempo aki. Boso apoyo den e tempu aki lo yuda nos sigui pusha pa sigui produsí i disfrutá e fruta i berduranan saludabel i lokal ku nos ta ofrese.
Si boso ta desea di yuda den kualke forma porfabor komunika nos.
Nos ke gradesé boso di kurason pa tur boso apoyo.
Claudia Nunes & Heinrich Sprockel
Plantage Brakkeput Market
+59995138772
Na petishon, esaki ta number si kuenta di banko kaminda bo por hasi bo donashon:
MCB BANK ACCOUNT: Vers
Number: 30425100
Adres: kaya Kokolishi 103