PROMÉ MINISTER GILMAR PISAS A HIBA UN KOMBERSASHON KU PRESiDENTE DI Colombia

Willemstad – Promé Minister Gilmar Pisas a hiba un komberashon ku Presidente di Colombia sr. Iván Duque dia 8 di mei 2022.

Durante di e kombersashon aki a elaborá riba diferente punto manera entre otro transportashon direkto di fruta i berdura pa Kòrsou, manera tabata antes.

Presidente sr. Duque a pone mesora un persona di kontakto disponibel ku lo bai sigui traha riba e punto aki ku Kòrsou.

Tambe a papia tokante e inougurashon di e Sentro di Investigashon di Kanser, kual a kosta mas di 400 mion dollar pa konstuí esaki.

Segun Presidente sr. Duque e sentro aki por yuda pa fortalesé e kontakto entre Colombia i Kòrsou riba e parti di Salubridat.

Promé Minister sr. Pisas a duna informashon i elogio na Fundashon Prevenshon ku ta hasiendo un tremendo trabou den Region riba e área aki.

Presidente sr. Duque a invitá Promé Minister sr. Pisas pa e ta presente na e inougurashon di e sentro aki.

A sigui kombersá riba diferente otro punto di interés komun pa ambos país.

E kombersashonnan a bai den un ambiente hopi ameno.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: