PROMÉ MINISTER GILMAR PISAS A reuní ku e empresa concentrix na Costa Rica

Willemstad – Promé Minister Gilmar Pisas a reuní ku e empresa Concentrix dia 9 di mei 2022 na Costa Rica.

E representantenan di Concentrix ku tabata presente ta sr. Javier Hugentobler (VP Delivery & Operations Latin America & Caribbean) i sra. Monica Obando (VP People Solutions Latin America & Caribbean).

 

Concentrix ta un proveedor global lider den solushon i teknologia di “Data Center” (CX), ku ta mehorá e rendimento komersial di algun di e mihó markanan na mundu.

E empresa ta konsistí di mas ku 100 kliente di Fortune Global i mas di 125 kliente di ekonomia nobo.

Tur dia for di 40 pais den 6 kontinente, nan personal, ku ta konistí di 270.000 trahadó, ta brinda i yuda empresanan pa konektá mihó ku nan klientela.

Nan ta krea mihó resultado di negoshi i ta diferenisa nan klientela atrabes di strategia, talento i téknologia.

 

Na Costa Rica e empresa ta konta ku 5 instalashon ku mas di 5000 trahadó

Nan ta buka hóbennan talentoso ku tin habilidat di dominá diferente idioma i otro tipo di “soft skills”.

 

E empresa ta analisando pa hasi invershon na Kòrsou i kier sa di ki forma nan por hasi negoshi inisiando un operashon ku ta konsistií di 500-1000 trahadó den 2 aña.

Promé Minister sr. Pisas a indiká ku e lo kompartí tur informashon ku su kolega Minister di Tráfiko, Transporte i Planifikashon Urbano sr. Charles Cooper. Alabes

 

Promé Minister a ekstendé un invitashon na e representantenan di Concentrix pa bini Kòrsou pa nan por tuma nota di e infrastrukturanan ku nos por brinda.

E representantenan di Concentrix a bisa Promé Minister sr. Pisas ku den algún siman  nan lo ta na Kòrsou.

Loke nan tin mester ta Internet, Koriente i hende ku e habilidatnan nesesario pa  por kuminsá mesora.

 

E kombersashon a keda hiba den un ambiente hopi ameno.