Pronóstiko di tempu pa Kòrsou i bisindario bálido te djaluna mainta 06:00 o.l., 16 di mei 2022.

 

Day:	Djadumingu	Djaluna	Djamars	Djárason	Djaweps
	parsialmente nublá	parsialmente nublá	áwaseru aislá	parsialmente nublá	parsialmente nublá
Rain probability:	0%	0%	20%	0%	0%
High:	31ºC / 88ºF	31ºC / 88ºF	30ºC / 86ºF	31ºC / 88ºF	31ºC / 88ºF
Low:	26ºC / 79ºF	26ºC / 79ºF	26ºC / 79ºF	26ºC / 79ºF	26ºC / 79ºF
Sunrise time:	06:12	06:11	06:11	06:11	06:11
Sunset time:	18:53	18:53	18:53	18:53	18:54
Wave heigth (meters):	1.5 – 2.0	1.5 – 2.0	1.5 – 2.0	1.5 – 2.0	1.5 – 2.0

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 16 di mei 2022.
Kompilá: djadumingu 15 di mei 2022, 05:00 o.l. (09:00 UTC).

Tempu: Por lo general parsialmente nublá, relativamente seku i bientu lo sigui fuerte.

Temperatura máksimo lo alkansá 31ºC i temperatura mínimo 26ºC.
Solo ta sali 06:12 i ta baha 18:52 o.l.

Bientu: Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te duru den ráfaga; forsa 6 te 7 (40 te 60 km/ora, 22 te 33 nudo).

Situashon general: Bientu lo mantené un forsa basta fuerte durante di próksimo 24 ora den nos region. Pa e motibu aki kondishon di laman lo ta poko brutu, espesialmente riba laman habrí. Mas aleu, kondishon atmosfériko lo sigui stroba desaroyo di nubianan signifikante riba nos region. Pa e motibu aki un kondishon di tempu seku lo sigui prevalesé riba nos isla.

Kondishon di laman: Moderá te basta brutu ku altura di olanan entre 1 i 2 meter (4 i 7 pia). Na parti nort, ost i riba laman habrí lo ta poko mas brutu ku olanan poko mas haltu.

Fenómeno spesial: Entre di awe anochi lat i djaluna mardugá lo tin un eklipse total di luna, ku por ser mirá na Kòrsou tambe. E parti mas visibel pa nos di e eklipse aki ta kuminsá 22:27’or i e fase total 23:29’or. Durante di e fase total lo mira luna solamente komo un disko skur ku un koló entre di kòrá i maron. E parti kulminante di e eklipse aki ta tuma lugá djaluna mardugá 00:11’or i e fase total ta kaba 00:53’or. E parti final di e fase parsial di e eklipse aki ta terminá 01:55’or.

Perspektiva te djamars mainta: Parsialmente te de bes enkuando hopi nublá ku chèns pa un áwaseru lokal.

Meteorólogo: Rombley.