Aksidente di tráfiko ku morto.

KOMUNIKADO DI PRENSA 252/2022
18 mei 2022
Aksidente di tráfiko ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 17 di mei 2022 alrededor di 21.17’or, Sentral di Polis a risibí informashon di un
aksidente di tráfiko ku a tuma lugá na altura di e krusada Schottegatweg West/ Sto.
Domingoweg.
E patruya ku a yega na e sitio a konstatá un vehíkulo di bòltu den un labadó den kurá di Isla.
For di un investgashon preliminar ku polis a hasi na e sitio, a resultá ku e vehíkulo tabata
kore riba Schottegatweg West direkshon Rio Canario. Probablemente dor di velosidat haltu
el a pèrde kontrol, kita na man robes, dal den waya di Isla i bòltu ku su vehíkulo den kurá di
Isla.
Debi na e impakto aki e shofúr a resultá parsialmente bou di e vehíkulo.
Personal di ambulans ku tabata na e sitio no por a hasi nada mas pa e víktima ya ku el a
fayesé dor di multiple leshonnan ku el a risibí.
Dòkter di polis a konstatá morto di e hòmber Aquiles Marcelo Jansen, nasé na Kòrsou 23 di
novèmber 1963.
Departamentu di Tráfiko ta kontinuá ku e investigashon.