PROMÉ MINISTER GILMAR PISAS A SERA KONOSÍ KU  PRESIDENTE DI CARIBBEAN DEVELOPMENT BANK

Willemstad – Promé Minister sr. Gilmar Pisas huntu ku Minister di Desaroyo Ekonómiko sr. Ruisandro Cijntje a sera konosí ku e Presidente di Caribbean Development Bank (CDB) sr. Dr. Hyginus Leon dia 17 di mei 2022.

Huntu ku sr. Leon tabata presente sr. Dr. Shelton Nicholls. 

 

Durante di e bishita aki Promé Minister sr. Pisas i Minister di Desaroyo Ekonómiko sr. Cijntje por a risibí diferente informashon pa ku entre otro:

  1. Kiko ta e funshon di CDB;
  2. Kiko ta e kriterianan pa un pais por bira miembro di CDB;
  3. Kua ta e benefisionan pa un pais ku ta miembro di CDB.

 

Sr. Leon a enfatisá ku e meta di e bishita tabata pa sera konosí, krea un relashon mas fuerte i estrecho di koperashon, integrashon na un otro nivel, krea “One Region, One Peolple i One Culture”, basa riba e pilarnan di konekshon visibel, logístika, digitalisashon i kultura. Krea tambe un afiliashon finansiero kaminda no ta laga niun hende afó. 

 

Sr. Leon a splika tambe ku CDB por yuda ku sosten den diferente área, manera entre otro e parti tékniko pa ku kon prepará proyektonan finansiero, fiskal, monetario, èts. E deseo ta di por kompartí enseñansa i konosementu mutuo den henter e Region. 

CDB por proveé tambe fiansa na un porsentahe speshal pa yuda paisnan ku tin nesesidat den desaroyamentu di e pais.

 

Pues sr. Leon a splika ku tin diferente benefisio pa un pais ku ta miembro di CDB i ku e úniko eksigensia ta ku e pais mester ta miembro di Caricom.

CDB ta interesá tambe pa amplia nan miembresia i tin e deseo pa Kòrsou ta un miembro di CDB den futuro.

 

A sigui elaborá riba diferente otro punto mas i ambos Minister tabata hopi satisfecho ku e bishita i tur informashon ku nan a risibí.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: